រាជធានីភ្នំពេញ ៖ ក្រុមកីឡាចំបាប់កម្ពុជាចំនួន៥រូបដែលដឹកនាំដោយលោកធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា បានចេញដំណើរទៅចូលរួមប្រកួតកីឡាស៊ីហ្គេមលើកទី២៨ នៅប្រទេសសិង្ហបុរី កាលពីព្រឹកថ្ងៃទី១០ មិថុនា កន្លងមកនេះ ។
លោកធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា បានឱ្យដឹងមុនពេលចេញដំណើរនៅអាកាសយានដ្ឋានអន្តរជាតិភ្នំពេញថា ក្រុមកីឡាចំបាប់កម្ពុជា ដែលចេញដំណើរទៅចូលរួមប្រកួតលើកនេះចែកចេញជា៥ប្រភេទទម្ងន់ ក្នុងនោះកីឡាករឌន សៅ ប្រកួតចំបាប់សេរី ក្នុងប្រភេទទម្ងន់៩៧គីឡូក្រាម ។ កីឡាករងួន មករា ប្រកួតចំបាប់សេរីដូចគ្នា ក្នុងប្រភេទទម្ងន់៧៤គីឡូក្រាម, កីឡាករជុន ធួន ប្រកួតចំបាប់សេរី ក្នុងប្រភេទទម្ងន់៦៥គីឡូក្រាម, កីឡាការិនីឌន ស្រីម៉ៅ ប្រកួតចំបាប់សេរី ក្នុងប្រភេទទម្ងន់៤៨គីឡូក្រាម និងកីឡាករឆាំ ពិសិន ប្រកួតចំបាប់ក្រិចកូរ៉ូម៉ាំង ។ គួរបញ្ជាក់ផងដែរថា ចំបាប់ក្រិចកូរ៉ូម៉ាំង គឺគេអនុញ្ញាតឱ្យចាប់បោកត្រឹមចង្កេះចុះក្រោមប៉ុណ្ណោះ ។
លោកធិន វិចិត្រ បានឱ្យដឹងទៀតថា ពេលទៅដល់ប្រទេសសិង្ហបុរីល្ងាចនេះភ្លាម គណៈកម្មការរៀបចំការប្រកួតតម្រូវឱ្យថ្លឹងចាប់គូទម្ងន់៤៨គីឡូក្រាមមុន លុះដល់ថ្ងៃទី១១ ទើបចាប់ផ្តើមប្រកួតតែម្តង ។ ចំណែកប្រទេសដែលត្រូវចូលរួមប្រកួតវិញ្ញាសាចំបាប់នេះមានចំនួន៧ គឺសិង្ហបុរី, វៀតណាម, ឥណ្ឌូណេស៊ី, ម៉ាឡេស៊ី, ថៃ, កម្ពុជា និងហ្វីលីពីន ។ កម្ពុជាធ្លាប់ចូលរួមប្រកួតនៅក្នុងព្រឹត្តិការណ៍បែបនេះរួចម្តងមកហើយកាលពីឆ្នាំ២០១៤ ដែលកាលណោះជាព្រឹត្តិការណ៍ប្រកួតកីឡាអាស៊ានបូកអូស្ត្រាលី ដោយដណ្តើមបានមេដាយមាស១ ប្រាក់១ និងសំរឹទ្ធ២គ្រឿង ។ ចំណែកការប្រកួតលើកនេះ លោកមិនហ៊ានធានាថាយ៉ាងណានោះទេ ប៉ុន្តែលោកនៅតែមានជំនឿចិត្តច្រើនក្នុងការដណ្តើមមេដាយពីការប្រកួតនេះ ។ ជាមួយគ្នានេះ លោកបានថ្លែងអំណរគុណដល់លោក Casey Barnett នាយកសាលា CanEd ដែលបានជួយឧបត្ថម្ភដល់ក្រុមប្រតិភូកីឡាកម្ពុជាទៅចូលរួមប្រកួតលើកនេះ ក៏ដូចជាលោកឧកញ៉ា ប៉ែន កាក់ បានជួយឧបត្ថម្ភចំនួន៥០០ដុល្លារសហរដ្ឋអាមេរិកផងដែរ ៕
លោកធិន វិចិត្រ អគ្គលេខាធិការសហព័ន្ធកីឡាចំបាប់កម្ពុជា បានឱ្យដឹងមុនពេលចេញដំណើរនៅអាកាសយានដ្ឋានអន្តរជាតិភ្នំពេញថា ក្រុមកីឡាចំបាប់កម្ពុជា ដែលចេញដំណើរទៅចូលរួមប្រកួតលើកនេះចែកចេញជា៥ប្រភេទទម្ងន់ ក្នុងនោះកីឡាករឌន សៅ ប្រកួតចំបាប់សេរី ក្នុងប្រភេទទម្ងន់៩៧គីឡូក្រាម ។ កីឡាករងួន មករា ប្រកួតចំបាប់សេរីដូចគ្នា ក្នុងប្រភេទទម្ងន់៧៤គីឡូក្រាម, កីឡាករជុន ធួន ប្រកួតចំបាប់សេរី ក្នុងប្រភេទទម្ងន់៦៥គីឡូក្រាម, កីឡាការិនីឌន ស្រីម៉ៅ ប្រកួតចំបាប់សេរី ក្នុងប្រភេទទម្ងន់៤៨គីឡូក្រាម និងកីឡាករឆាំ ពិសិន ប្រកួតចំបាប់ក្រិចកូរ៉ូម៉ាំង ។ គួរបញ្ជាក់ផងដែរថា ចំបាប់ក្រិចកូរ៉ូម៉ាំង គឺគេអនុញ្ញាតឱ្យចាប់បោកត្រឹមចង្កេះចុះក្រោមប៉ុណ្ណោះ ។
លោកធិន វិចិត្រ បានឱ្យដឹងទៀតថា ពេលទៅដល់ប្រទេសសិង្ហបុរីល្ងាចនេះភ្លាម គណៈកម្មការរៀបចំការប្រកួតតម្រូវឱ្យថ្លឹងចាប់គូទម្ងន់៤៨គីឡូក្រាមមុន លុះដល់ថ្ងៃទី១១ ទើបចាប់ផ្តើមប្រកួតតែម្តង ។ ចំណែកប្រទេសដែលត្រូវចូលរួមប្រកួតវិញ្ញាសាចំបាប់នេះមានចំនួន៧ គឺសិង្ហបុរី, វៀតណាម, ឥណ្ឌូណេស៊ី, ម៉ាឡេស៊ី, ថៃ, កម្ពុជា និងហ្វីលីពីន ។ កម្ពុជាធ្លាប់ចូលរួមប្រកួតនៅក្នុងព្រឹត្តិការណ៍បែបនេះរួចម្តងមកហើយកាលពីឆ្នាំ២០១៤ ដែលកាលណោះជាព្រឹត្តិការណ៍ប្រកួតកីឡាអាស៊ានបូកអូស្ត្រាលី ដោយដណ្តើមបានមេដាយមាស១ ប្រាក់១ និងសំរឹទ្ធ២គ្រឿង ។ ចំណែកការប្រកួតលើកនេះ លោកមិនហ៊ានធានាថាយ៉ាងណានោះទេ ប៉ុន្តែលោកនៅតែមានជំនឿចិត្តច្រើនក្នុងការដណ្តើមមេដាយពីការប្រកួតនេះ ។ ជាមួយគ្នានេះ លោកបានថ្លែងអំណរគុណដល់លោក Casey Barnett នាយកសាលា CanEd ដែលបានជួយឧបត្ថម្ភដល់ក្រុមប្រតិភូកីឡាកម្ពុជាទៅចូលរួមប្រកួតលើកនេះ ក៏ដូចជាលោកឧកញ៉ា ប៉ែន កាក់ បានជួយឧបត្ថម្ភចំនួន៥០០ដុល្លារសហរដ្ឋអាមេរិកផងដែរ ៕
Facebook Comments Plugin Enhanced by KB Tricks
Blogger Tutorials
0 comments:
Post a Comment